6 Barn, familie og helse

Ramme 6 omfattar eining Barn, familie og helse. Eininga har følgjande tenester: legeteneste, kvardagsrehabilitering, velferdsteknologi, fysio/ergo, logoped, psykisk helseteam barn og unge, PPT, barnevernteneste, hjelpemiddel, helsestasjon og skulehelseteneste, flyktningteneste og introduksjonsprogram.

Oppvekstreforma/barnevernsreforma vart gjeldande frå 1.1.2022. Dei mest krevjande oppgåvene i reforma ligg til barnevernstenesta med nytt ansvar for institusjon og fosterheim, ut over det ligg reforma til heile organisasjonen å følgje opp. Det krev mellom anna tett samarbeid mellom ei rekke tenester. Det ligg ikkje ytlegare styrking i budsjett 2023 til oppfølging av barnevernsreforma/oppvekstreforma. Statistikk frå SSB viser at 28% av innbyggjarane i Giske kommune er mellom 0-20 år. Denne veksten påverker tenestene i eininga i særs stor grad. Tverrfagleg samarbeid er vektlagd. Det er framleis nasjonal satsing på helsestasjon, skulehelseteneste og jordmorteneste. Desse tenestene søkjer vi tilskot til frå staten for å styrkje bemanninga.

Psykisk helse og rus er også ei nasjonal satsing. Vidare er satsing og fokus på kvardagsrehabilitering og velferdsteknologi stor. Frå 2020 vart velferdsteknologi integrert i helse- og omsorgstenestene. Giske kommune har hatt stort fokus på dette sidan 2015 og har kome langt i arbeidet. Giske kommune deltek i interkommunalt samarbeid og kjøper tenester hjå andre kommunar knytt til legevakt natt, barnevernvakt, krisesenter, overgrepsmottak og kjøp av tenester legesenter.

Årsak til auke i budsjett 2022 til budsjett 2023 med kr 4,6 mill:

• Auke i utbetaling av basistilskot fastlegane og auke i kostnader kjøp av tenester med kr 1,5 mill. Basistilskotet vert delvis finansiert gjennom tilført midlar i ramma.
• Flyktningtenesta er styrkja med kr 1,6 mill grunna auke tal flyktningar.
• Generell løns- og prisvekst.

Driftstiltak 2023:

• Halde stilling vakant 10 mnd, psykolog.
• Oppretting 20 % barnekoordinator
• Auke i utgifter til fastlegeordninga
• Flyktning, Ukraina. Fellestiltak med ramme 4 og 5.
• Samhandling for rette tenester. Fellestiltak med ramme 5, 4 og 7.

• Eininga har redusert stilingar i fleire tenester frå 2019 til 2022. Utfordringa blir å klare å levere lovpålagde tenester med denne reduksjonen. Ytterlegare reduksjon vil føre til at vi må legge ned tilbod og nokre av oppgåvene må eventuelt overførast til andre tenester. Tilbodet til brukarane vil bli redusert og mange vil ikkje få tilbod om tenester. Andre tenester innan organisasjonen får konsekvens, til dømes omsorg og oppvekst.
• Rekruttering av tilsette med naudsynt kompetanse, som må kunne løyse stadig fleire oppgåver i mindre fagmiljø. Oppgåver som blir overført frå Helseføretaket til kommunalt nivå, gjer at vi må yte meir spesialiserte oppgåver. Vi må yte meir til fleire.
• Digitalisering og å ta i bruk dei verktøya vi allereide har. Erstatte individuell oppfølging med digitale hjelpemiddel.
• Fastlegeordninga er i endring og rekruttering av fastlegar kan vere ei utfordring. Basistilskot til fastlegane auka i 2022. Denne vert ikkje fullt ut finansiert frå staten. Kommunen får difor ein kostnad knytt til dette i 2023.
• Levere lovpålagde tenester innan budsjettramma.
• Halde lovpålagde fristar i barnevernstenesta og PPT.
• Førebu arbeidet med å bygge opp naudsynte hjelpetiltak for å i møtekome krava i Barnevernsreforma som trådde i kraft frå 2022.
• Frå 01.08.22 vart det lovpålagt at kommunane skal ha ein barnekoordinator for familiar med store og samansatte behov. Ressursane som er avsett til dette tilsvarer ei styrking av arbeidet med om lag 20%. Vi må i tillegg bruke eksisterande ressursar for å i møtekome lovkrava. Arbeidet med betre tverrfagleg samhandling (BTS) vil også bidra til å nå måla om betre koordinering av tenestene for målgruppa.
• Nødvendige omstilingsprosessar skal gjennomførast med få leiarressursar. Omstillingsprosessar krev tett oppfølging og avdelingsleiarane som må arbeide med omstilling og samstundes bidra inn i den daglege drifta.

• Betre tverrfagleg samhandling (BTS)
• Tidleg innsats og førebyggjande arbeid
• Samanhengande tenester i organisasjonen. Vi bygger laget rundt barna. Samarbeid mellom helse, omsorg, oppvekst, NAV, legekontor og spesialisthelsetenesta.
• Sikre samanheng i alle satsingane: Kompetansereforma, Inkluderande praksis, Betre tverrfagleg samarbeid, BTS-prosjekt. TALK-prosjektet, Oppvekstreforma/barnevernsreforma og barnekoordinator.
• Bygge kapasitet og kultur for kontinuerleg forbetringsarbeid
• Digitalisering og bruk av ny teknologi.