2 Kommuneleiing - Stab, kultur, service og næring

Kommuneleiing og stab omhandlar tenesteområda 1200 – 1260 som er kommunedirektør, kommunalsjefar og stabsfunksjonar.

Staben skal levere tidsrette støttefunksjonar i samsvar med krav og forventningar som er stilt til kommunen si kjerneverksemd og strategiske satsingar. Arbeidsoppgåver er blant anna planlegging, støtte, oppfølging og styring. Dette omfattar blant anna oppgåver knytt til kvalitet og internkontroll, beredskap, fellesfunksjonar, økonomiforvaltning, løn og personalforvaltning,, arbeidsgivarpolitikk.

Eininga kultur, service og næring vart etablert i stab i 2021 og skal saman med resten av staben tilrettelegge for politiske og administrative avgjerdsprosessar, verksemdstyring, analyse og utgreiingsarbeid. Eininga har også ansvar for kulturarbeidet i Giske, dette gjeld bibliotek, frivilligsentral, kulturminnearbeid, friluftsliv og samhandling med lag og organisasjonar. Informasjonsarbeid og fellesfunksjonar som post og arkiv, oppfølging av avtalen med Ålesund knytt til landbruk, samt viltforvaltning er også ein del av den nye eininga. Det næringsretta arbeidet til kommunen samt etableringsstøtte/hoppid blir også fulgt opp her. I tillegg kjem oppfølging av avtale om kjøp av IKT og brukarstøtte frå Ålesund kommune.

Auken i budsjett frå 2022 til 2023 på 2,7 mill. kroner kjem i hovudsak av at det er oppretta ny kommunalsjefstilling Teknisk i stab. Det er også tatt inn igjen halv stilling biblioteksjef. Tiltak 30 overføring av merkantile resurssar aukar og ramma, tiltaket har tilsvarande reduksjon i ramme 5 og 7.

• Levere lovpålagde tenester innanfor tilgjengelege økonomiske rammer.
• Etablere effektiv organisering, støtte og tenestenivå som er tilpassa redusert bemanning og trange økonomiske rammer. Dette inneber blant anna tydeleg prioritering mellom arbeidsoppgåver, forventingsavklaring, og ikkje minst sikring av tvillingkompetanse slik at viktige funksjonar vert levert ved eventuell sjukdom, ferie og anna fråver.
• Svært pressa bemanningssituasjon kan gå utover fullverdig tenesteleveranse
• Implementering av nye digitale verkty, opplæring og størst muleg gevinstrealisering.
• Bygge opp tilstrekkeleg beredskapsressursar til store alvorlege hendingar
• Finne rett organisering under rammeområda for betre samhandling
• Sikre nødvendig kvalitet- og internkontroll i kommunen.
• Systematisk informasjonsarbeid, rett utvikling av heimeside, intranett og bruk av sosiale medier.
• Tilrettelegge for døgnopen forvaltning ved å betre innbyggardialogen slik at innbyggarane kan vere sjølvhjelpte uavhengig av arbeidstid.

• Framhaldande fokus på og oppfølging av systematisk HMS arbeid
  
• Leiarutvikling påbegynt i 2022, skal sluttførast i 2023
• Oppfølging av 10-faktor medarbeidarundersøking
• Styrking av leiarkompetanse på budsjettarbeid og økonomisk styring
• Oppfølging av tiltak i helse og omsorgssektoren for å imøtekome framtidas behov (Leanprosjekt)
• Implementering og opplæring i oppgradert saks- og arkivsystem samt skydrift innført i desember 2022
• Tilrettelegging for nytt IKT-system for økonomi, løn og personal
• Vurdere samarbeid med andre kommunar eller innkjøp av tenester av sentrale stabsfunksjonar som er sårbare i dag (løn, rekneskap, arkiv m.m)
• Implementere samling av merkantile ressursar i stab
• Framhaldande fokus på kvalitet og internkontroll
• Framhaldande fokus på beredskapsarbeid